Navigation

24313305 عدد الزوار

الأربعاء ۱٦ نيسان ۲۰۱٤



أمثلة شعبية شائعة في طرابلس (جديد)

* بالوشّ مراية وبالقفا صرماية.
* كترة العليق بيعمي قلب الدابّة.
* اللي بيحبنا بيجي لعنا.
* كل مين بيشد اللحاف لصوبو.
* الغايب عذرو معو.
* ما كل مين ما صف صواني قال أنا حلواني.
* شو بدي اتذكرك يا سفرجلة كل كدشة بغصة.
* الولد ولد ولو حكم بلد.
* طحان ما بيغّبر على كنّاس.
* اجا للعميان صبي، قد ما بقبشو عليه عمي.
* متل اللي عم يشتري السمك ببحرو.
* أركض ركض الوحوش، غير رزقك ما بتحوش.
* ميّة نيسان، بتحيي الانسان.
* المقدور، ما منّو مهروب.
* ثوب العياري، ما بيدفّي.
* دود الخلّ، منّو وفيه.
* لاقيني، ولا تطعميني.
* البنت مين ما لمّها، بيضل همّها لأمها.
* أنا آخذ من الحزمة عود، والباقي تحملو القرود.
* شفتها عروس مجلية، شوفها حبلي وبكرية.
* القرد بعين أمو غزال.
* عند هالكبرة جبّة حمرا.
* الحلوة بحظّ، والبشعة بحظّين.
* خدو البنات، من صدور العمات.
* خللي العسل بجرارو، تتجي أسعارو.
* طب الجرة على تمها، بتطلع البنت لأمها.
* الوردة بتخلف قردة، والقردة بتخلف وردة.
* إلها تمّ ياكل، ما إلها تمّ يحكي.
* أعزب دهر، ولا أرمل شهر.
* أكبر منك بيوم، أعرف منك بسنة.
* على شكلو، شكشكلو.
* يا متلنا، تعا لعنّا.
* عين الحب عميا.
* لبّس المكنسا، بتطلع ست النسا.
* على قد بساطك، مدّ رجليك.
* كل بيت، إلو بالوع.
* دودو من عودو.
* برّم على الأصول، قبل الوصول.
* أبغض الحموات، الخالات والعمات.
* الولد لو بال، بيطلع تلتينو للخال.
* لبّس العود، بيجود.
* يا آخد القرد على مالو، بيروح المال وبيبقى القرد على حالو.
* لا جمال عمّر بيت، ولا طول سند حيط.
* خلقة كاملة، نعمة زايدة.
* الأقربون أولى بالمعروف.
* خود الأصيلة، ولو على الحصيرة.
* يا شايل الهمّ، من قلب صحابو.
* حرامي بالبيت، ما بينّطر.
* كل شي بالخناق، إلا الجواز بالاتفاق.
* الرجال بالبيت رحمة، ولو كان فحمة.
* الدم ما بيصير ميّ.
* أدّا أدّ الفارة، وصوتا ملاّ الحارة.
* طولو طول النخلة، وعقلو عقل السخلة.
* طنجرة ولقيت غطاها.
* قبل ما تلمّ، فتّش على الأم.
* ما بيحنّ على العود، إلا قشرو.
* تقّل اجرك على أمك وأبوك، بيكرهوك.
* ليجي الصبي، منصلي عالنبي.
* مين ما أخد أمي، بسمّيه عمّي.
* إن كبر ابنك، خاويه.
* يللي عند أهلو، على مهلو.
* يللي ما بدو يعطي بنتو، بيغلّي نقدا.
* يللي بيستحي من مرتو، ما بيجيه ولاد.
* المرا من ورا رجّالها، والفرس من ورا خيّالها.
* ما بيربى جسد، تا يفنى جسد.
* يا ابن عمي، واحدة منك وواحدة منّي.
* فرخ البط، عوام.
* خود اختي، واعطيني اختك.
* بياخدك على البحر، وبيرجعك عطشان.
* أيلول، طرفو بلشتي مبلول.
* بين تشرين وتشرين، صيف تاني.
* بيضلّ البرد قايم، طالما النصراني صايم.
* تموز، بتغلي المي بالكوز.
* شباط إن شبط إن لبط، ريحة الصيف فيه.
* برد تشارين، بيخزق المصارين.
* الدفا عفا، ولو بعزّ الصيف.
* إذا كان صاحبك عسل، لا تلحسو كلّو.
* زيادة الخير، خير.
* يا رايح، كتّر ملايح.
* يللي بيشرب البحر، ما بغص بالساقية.
* عين الحبّ، عميا.
* العين بصيرة، واليد قصيرة.
* السنة، ورا الباب.
* أحسن ما تقول للجاجة كش، اضربها واكسر لها رجلها.
* تغداهم، قبل ما يتعشوك.
* جنب العقرب لا تقرب، وجنب الحية فروش ونام.
* من دهنو، قلّيلو.
* كل طلعة، مقابلها نزلة.
* ما متّ، ما شفت مين مات.
* متل الحمّام، المقطوعة ميّتو.
* كل دقن، وإلها مشط.
* يا مستعجل، وقّف لقلّك.
* الحيط الواطي، بيعلّم الناس الحرام.
* ثمر الديار، بيطوّل الأعمار.
* واحد إيدو بالميّ، وواحد إيدو بالنار.
* يللي بيعيش كتير، بيشوف كتير.
* الناس بالناس، والقطة بالنفاس.
* متل الأطرش، بالزفّة.
* بيت الأسد، ما بيخلا من العضام.
* يللي بدو يلعب مع القط، بدو يلقى خراميشو.
* ما كل مرّة بتسلم الجرة.
* الباب يللي بيجيك منو الريح، سدّو واستريح.
* يللي بياكل العصي، ما متل يللي بيعدّها.
* الجمرا، ما بتحرق إلا مطرحها.
* إبعد عن الشرّ، وغنيلو.
* فوق الموتة، عصة القبر.
* وكّلو العصفور بالزرزور، طلعو تنين طيّارين.
* يللي من إيدو، الله يزيدو.
* ما حك جلدك، متل ضفرك.
* قد بساطك، مدّ رجليك.
* لا تطلع عالقبور، ولا تشمّ ريحة وحشة.
* العمر بيخلص، والشغل ما بيخلص.
* لعب الفار، بعبّو.
* العين ما بتعلى على الحاجب.
* من الدلفة، لتحت المزراب.
* بدك تاكل عنب، أو تقتل الناطور.
* ما حدا صبر، وندم.
* ما في يوم بيروح، وبيرجع متلو.
* حجرة، بتسند خابية.
* أعط خبزك للخباز، ولو أكل نصّو.
* جارك القريب، ولا أخوك البعيد.
* زيوان بلدك، ولا قمح الغريب.
* يللي بيشوفك بعين، شوفو بتنين.
* تغدّى وتمدّد، وتعشّى وتمشّى.
* بتعرف سرارهم، من صغارهم.
* يللي بيستحو، ماتو.
* ما كل شي اسود فحمة، ولا كل شي أبيض شحمة.
* عقلو براسو، بيعرف خلاصو.
* كل ضيعة لها زيّ، وكل شجرة لها فيّ.
* يللي عندو خبّاز، ما بيحرق إيدو.
* على حجة الورد، بينشرب العليق.
* يللي ما عندو عتيق، ما عندو جديد.
* ما بيجي شي من الغرب، بيسرّ القلب.
* ثوب العياري ما بيدفّي.
* الطمع، ضرّ ما نفع.
* ما كل مرة بتسلم الجرة.
* أخوت يحكي، وعاقل يفهم.
* المكتوب، بينعرف من عنوانو.
* لما بينعرف السبب، بيبطل العجب.
* اللي بتزرعو، بتحصدو.
* ما حدا بيقول عن زيتو، عكر.
* خليها بالقلب تجرح، ولا تطلع لبرا تفضح.
* ما في صداقة، إلا بعد خناقة.
* ضربني وبكى، سبقني واشتكى.
* اللي بياكل على ضرسو، بينفع نفسو.
* السفيه، اكتفيه.
* اسأل مجرب، ولا تسأل حكيم.
* عصفور باليد، خير من عشرة على الشجرة.
* حبل الكذب، قصير.
* خبّي قرشك الأبيض، ليومك الأسود.
* اللي ايدو بالميّ، مش متل اللي ايدو بالنار.
* نجوم الضهر، أقربلك.
* خيرها، بغيرها.
* لو فيها خير، ما رماها الطير.
* كل واحد بيحكي بأصلو.
* اللي بقلبو، على لسانو.
* طلعنا من المولد، بلا حمص.
* الحيطان إلها دينان.
* يللي بيقدّم السبت، بيلاقي الحدّ قدامو.
* يللي بيتدخل بشي ما بيعنيه، بيسمع كلام ما بيرضيه.
* يللي بيدق الباب، بيسمع الجواب.
* شرط بالحقلة، ولا قتال على البيدر.
* يللي أولو شرط، آخرو نور.
* من بعد ما ختْير وشابْ، ودّو الكتّاب.
* مفتاح البطن لقمة، ومفتاح الشر كلمة.
* يا رايح على الحج والناس راجعة.
* كسرنا الدف وبطلنا الغنا.
* شراية العبد، ولا تربايتو.
* ما في بالميدان، إلا حديْدان.
* راح ليصلي بالجامع، لقى الباب مسكّر.
* طبّني، طبّتك العافية.
* العين بصيرة، واليد قصيرة.
* الرمد، خير من العمى.
* الكحل، خير من العمى.
* أكلة وانحسبت عليك، كول وبحلق عينيك.
* بيدوب التلج، وبيبان المرج.
* لو بدا تشتي، كانت غيّمت.
* بيعطي اللحم، ليللي ما إلو ضراس.
* لا تدعي لصاحبك بالسعادة، بتخسرو.
* الجنة بلا ناس، ما بتنداس.
* حط راسك بين الروس، وقول يا قطاع الروس.
* كلمة يا ريت، ما بتعمر بيت.
* مندقّ الميّ، وهي ميّ.
* شبّيك لبّيك، عبدك بين ايديك.
* يطعمك حجّة والناس راجعة.
* يللي بيعرف بيعرف، ويللي ما بيعرف بيقول كف عدس.
* اضرب الحديد، وهو حامي.
* يللي ما داق المغلاية، ما بيعرف شو الحكاية.
* اللي باع بيتو، بيقلْ مقدارو.
* يللي ضرب ضرب، ويللي هرب هرب.
* استكبرها ولو كانت مرة.
* الضيوف بدارك، والمفتاح بزنارك.
* ما بيعرف، كوعو من بوعو.
* شحاد، مشارط.
* من معرفتو بالصحابة، بيترضى على عنتر.
* باب النجار، مخلّع.
* أكل ومرعى وقلّة صنعة.
* بصلتو، محروقة.
* صبي حمام، ايد من ورا وإيد من قدام.
* حامل السلم بالعرض.
* مطبّل بالدني، مزمّر بالآخرة.
* كل مين، بيغني على ليلو.
* وشّ، بيقطع الرزق.
* متل يللي ماشي، ورا خيالو.
* متل الأربعا، بنص الجمعة.
* الشركة، ما فيها بركة.
* ضربني وبكى، سبقني واشتكى.
* لحاق الكذّاب، على باب الدار.
* يللي ما يكشّر عن نيابو، ما حدا بيستهابو.
* الإيد اللي ما فيك عليّا، بوسها وادعِ عليها بالكسر.
* يللي بيعاشر القوم أربعين يوم، بيصير منهم وفيهم.
* يللي بيغّير عادتو، بتقل سعادتو.
* طعمي التّم، بتستحي العين.
* عند البطون، ضاعت العقول.
* لما بتوقع البقرة، بتكتر السكاكين.
* ما بيعجبو العجب، ولا الصيام برجب.
* كاسر إيدو، وعم يشحد عليها.
* ما بيضحك، للرغيف السخن.
* الفاضي، بيعمل قاضي.
* ما عندو كبير، إلا الجمل.
* يللي بيتو من أزاز، ما يراشق الناس بالحجارة.
* بكل عرس، ألو قرص.
* رجعت حليمة، لعادتها القديمة.
* الناس بالناس، والقطة بالنفاس.
* يللي بدو ياكل هالأكلات، بدو يموت هالموتات.
* يللي بدو يدق الباب، بدو يسمع الجواب.
* بدّو يغطي السموات، بالقبوات.
* بيعمل من الحبّة، قبّة.
* علّمناه على الشحادة، سبقنا على البواب.
* مقسوم ما تاكل، وصحيح ما تقسم، وكول تتشبع.
* منكحشو من الباب، بيجي من الشباك.
* متل المنشار، بياكل عالطالعة وعالنازلة.
* عرجْ الجمل، من شفتو.
* بعد خروفي، ما ينبت حشيش.
* العنزة الجربانة، ما بتشرب إلا من راس النبع.
* المال الداشر، بيعلم الناس الحرام.